“ဒိန်း…”
(၁၀၀ မိုင်နှုန်းနဲ့ မောင်းနေတုန်း ရုတ်တရက် တာယာပေါက်သွားတဲ့ အိပ်မက်ဆိုး)
အဝေးပြေးလမ်းမကြီးပေါ်မှာ သီချင်းလေးတညည်းညည်းနဲ့ ကားကို အရှိန်လေးတင်ပြီး မောင်းလာတယ်။ ရုတ်တရက် သေနတ်ပစ်ဖောက်လိုက်သလို အသံကြီးနဲ့အတူ ကားတစ်စီးလုံး ရမ်းခါသွားပြီး တစ်ဖက်ကို အတင်းရုန်းဆွဲတော့တာပဲ။
ဟုတ်ပါတယ်… တာယာပေါက်ပြီ!
ဒီလိုအချိန်မျိုးမှာ လူအများစု လန့်ဖျတ်ပြီး လုပ်မိတဲ့ အကြီးမားဆုံးနဲ့ အသက်အန္တရာယ် အရှိဆုံးအမှားကတော့ “ဘရိတ်ကို အားကုန် ဆောင့်နင်းတာ” ပါပဲ။ အရှိန်ပြင်းနေတုန်း ဘရိတ်ဆောင့်နင်းလိုက်ရင် ကားက ဘီးချော်ပြီး လမ်းဘေးကို ဂျွမ်းပြန်မှောက်သွားတတ်လို့ လုံးဝ (လုံးဝ) မလုပ်ပါနဲ့။
စိတ်အေးအေးထားပြီး သင့်အသက်ကို ကယ်တင်ဖို့ ဒါတွေပဲ ချက်ချင်းလုပ်ပါ
၁။ စတီယာရင်ကို လူမိုက်လို မြဲမြဲဆွဲကိုင်ထားပါ
– ကားက ပေါက်သွားတဲ့ တာယာဘက်ကို တရှိန်ထိုး အတင်းဆွဲခေါ်သွားပါလိမ့်မယ်။ ပါမသွားအောင် စတီယာရင်ကို အားစိုက်ပြီး လမ်းကြောင်းတည့်အောင် အရင်ဆုံး ထိန်းထားပါ။
၂။ လီဗာကို ဖြည်းဖြည်းချင်းလွှတ်ပါ
– အရှိန်ထပ်မတက်အောင် ခြေထောက်ကို ဖယ်ပါ။ ဒါပေမဲ့ ဝုန်းခနဲ လွှတ်တာမျိုးမဟုတ်ဘဲ ဖြည်းဖြည်းချင်း လွှတ်ပေးပါ။
၃။ ဘရိတ်ကို လုံးဝမနင်းပါနဲ့ (Engine Brake သုံးပါ)
– ဂီယာကို တစ်ဆင့်ချင်းချပြီး Engine Brake နဲ့ ကားအရှိန်ကို ကျအောင် စောင့်ရပါမယ်။
၄။ အရှိန် ၃၀ မိုင်အောက် ရောက်မှ ဘရိတ်ကို ခပ်ဖွဖွနင်းပါ
– ကားရှိန် တော်တော်လေး ကျသွားပြီဆိုမှ ဘရိတ်ကို ခပ်ဖွဖွလေး နင်းပြီး လမ်းဘေး အရေးပေါ်ရပ်နားစင်ထဲ ကပ်ရပ်ပါ။
တာယာကောင်း၊ ဘရိတ်စနစ်နဲ့ Safety ပိုင်း စိတ်ချရတဲ့ ကားပိုင်ရှင်တိုက်ရိုက် ကားသန့်တွေကို ကိုယ်တိုင်မျက်မြင်စစ်ဆေး ကြည့်ချင်တယ်ဆိုရင်တော့ “YGN Car” မှ စိတ်ရှည်လက်ရှည် လိုက်လံပြသပေးနေပါပြီ။
