ကားမောင်းတဲ့သူ အများစု လုပ်မိတတ်ပြီး ကားအောက်ပိုင်းကို တဖြည်းဖြည်း ပျက်စီးစေတဲ့ “အကျင့်ဆိုး (၃) ချက်”
ကားတစ်စီးကို ဘယ်လောက်ပဲ ကောင်းကောင်းမောင်းမောင်း… ကိုယ်တိုင် သတိမထားမိဘဲ လုပ်မိနေတဲ့ အကျင့်လေးတွေကြောင့် ကားရဲ့ အောက်ပိုင်း (Suspension) နဲ့ ဂီယာဘောက်စ်တွေ သက်တမ်းမတိုင်ခင် ပျက်စီးသွားတတ်ပါတယ်။
ဘယ်လို အကျင့်ဆိုးတွေလဲဆိုတာ ကြည့်ရအောင်…
၁။ Bump (အမြန်နှုန်းလျှော့တဲ့ ကုန်းကုန်းလေးတွေ) ကို ဘရိတ်နင်းပြီး ဖြတ်မောင်းခြင်း
အများစုက ကုန်းကုန်းလေးတွေကို မြင်ရင် ဘရိတ်ကို အုပ်ပြီး ဖြတ်တတ်ကြပါတယ်။ တကယ်တော့ ဘရိတ်အုပ်လိုက်တဲ့အချိန်မှာ ကားရဲ့ ကိုယ်အလေးချိန် အကုန်လုံးက ရှေ့ဘီးတွေပေါ်ကို ဝန်ပိသွားတာပါ။ အဲဒီအချိန်မှာ ကုန်းပေါ်ကို ဒုန်းခနဲ တက်လိုက်ရင် ရှေ့အောက်ပိုင်းက Shock Absorber တွေနဲ့ Bush တွေ ပိုပြီး ထိခိုက်ပါတယ်။
အမှန်လုပ်ရန် – ကုန်းမရောက်ခင်ကတည်းက ဘရိတ်အုပ်ပြီး အရှိန်လျှော့ပါ။ ကုန်းပေါ် တက်ခါနီးရင် ဘရိတ်ကို လွှတ်ပြီးမှ ငြိမ့်ငြိမ့်လေး ကျော်ပါ၊။
၂။ ကားမရပ်ဘဲ ဂီယာချက်ချင်းချိန်းခြင်း (R ကနေ D သို့မဟုတ် D ကနေ R)
ကားနောက်ဆုတ်နေတုန်း လုံးဝမရပ်သေးဘဲ ရှေ့ဂီယာ D ကို ဝုန်းခနဲ ပြောင်းထည့်တာမျိုး ခဏခဏ လုပ်ရင် ဂီယာဘောက်စ်ထဲက သွားတွေ စိစိညှက်ညှက် ကြေမွသွားနိုင်ပါတယ်။
အမှန်လုပ်ရန်: ကားကို ဘရိတ်နင်းပြီး လုံးဝရပ်သွားအောင် လုပ်ပြီးမှ ဂီယာချိန်းပါ။
၃။ ကားရပ်ရင် ပါကင်ဘရိတ် (Handbrake) ကို နောက်ဆုံးမှ ဆွဲခြင်း
ကုန်းစောင်းတွေမှာ ကားရပ်တဲ့အခါ ဂီယာကို P ထဲ အရင်ထည့်ပြီးမှ Handbrake ဆွဲတတ်ကြပါတယ်။ ဒါဟာ ကားတစ်စီးလုံးရဲ့ အလေးချိန်ကို ဂီယာဘောက်စ်ထဲက Parking Pawl ဆိုတဲ့ သံချောင်းသေးသေးလေးပေါ် သွားတင်ထားသလို ဖြစ်စေပြီး ဂီယာကို ထိခိုက်စေပါတယ်။
အမှန်လုပ်ရန် – ကားရပ်ပြီဆိုရင် ဘရိတ်နင်းထားလျက်နဲ့ ဂီယာကို N ထည့်ပါ > Handbrake ကို ဆွဲပါ > ပြီးမှ ဂီယာကို P ထဲ ထည့်ပါ။
ဒီအချက်လေးတွေကို ရှောင်ကြဉ်ရုံနဲ့တင် မိတ်ဆွေရဲ့ ကားလေးက အောက်ပိုင်းသံ လုံးဝမမြည်ဘဲ ရေရှည် အကြမ်းခံနေမှာ ဖြစ်ပါတယ်ဗျာ။
ကား ဝယ်ဖို့ စဥ်းစားနေတာလား YGN CAR ရှိတယ်။ ရောင်းဖို့ အတွက်ကော YGN CAR ပါပဲ။
